ԼՈՒՍԱՆԿԱՐՆԵՐ. Երևանում ցեմենտով բեռնատարն ընկել է ճանապարհին ավազով ծածկած փոսը
Գիշերը ցեմենտով լցված բեռնատարը Երևանի Շիրակի փողոցում ընկել է ավազով լցված ինչ-որ փոսի մեջ, որի հետևանքով անիվը պայթել է:
Բնականաբար, բեռնատարի վարորդը ահազանգել է ԱԻՆ, որտեղից հայտնել են, որ իրենք համապատասխան տեխնիկա չունեն նման քաշի բեռնատարը փոսից դուրս բերելու ու տեղափոխելու համար: Դրանից հետո բեռնատարի սեփականատերը հանդիսացող ընկերությունն իրականացրել է ավտոմեքենայի փոսից դուրս բերումը: Սակայն, դուրս բերելու ընթացքում մեքենան վնասվել է: Ժամանել են ՃՈ աշխատակիցները, սակայն, իրենք էլ նշել են, որ տեղյակ չեն, թե ով է այդ փոսը փորել և այդպես, առանց զգուշացնող նշանի թողել:
Ներկայում տհաճ իրավիճակում հայտնված ընկերությունը չգիտի` ում դիմել և ումից պահանջել իր բեռնատարի կրած վնասի փոխհատուցումը: Առաջին հերթին ընկերությունը մտադիր է դիմել քաղաքապետարան:
