Ջիվանն ընկերների հետ հարձակվեց իմ վրա․ Արսեն Ավետիսյանը հանցագործության մասին հաղորդում է տվել. Armdaily am
Ազատամարտիկ Արսեն Ավետիսյանը հանցագործության մասին հաղորդում է ներկայացրել ոստիկանությանը ակտիվիստ Ջիվան Աբրահամյանի դեմ։
Armdaily. am-ի հետ զրույցում Ավետիսյանը նշեց, որ անցած գիշերը 5 հոգով հարձակվել են իր վրա և ահաբեկել։ «Հյուսիսային պողոտայում Ջիվանն ու իր ընկերները հարձակվեցին իմ վրա ու պահանջեցին , որ ես իրենց հանգիստ թողնեմ։ Հիմա քրեական գործ է հարուցվում Կենտրոն և Նորք Մարաշ ոստիկանությունում»,-ասաց նա՝ Արհամայանին բանավեճի հրավիրելով։
Նա նշեց, որ իր վրա հարձակվելու պատճառը իր հայտարարությունն է այն մասին, որ Ջիվանը Ապրիլյան քառօրյայի օրերին փախել է Ջաբրայիլի դիրքերից։ «Էդ ավանտյուրիստը հիմա կապիկություն է անում, ցույցեր է անում՝ ի պաշտպանություն Նիկոլի, իրեն քաղաքական գործիչի տեղ է դրել։ Էդ ես եմ քաղաքական գործիչը, որ երեք տարի պայքարում եմ հանցագործ ռեժիմների դեմ, իսկ նա ինձ վիրավորում է։ Ոչ ոք չի կարող ինձ ազատամարտիկիս վիրավորել ու ահաբեկել»,-ասաց Ավետիսյանը։
