Բերման է ենթարկվել TV 5 հեռուստաալիքի սեփականատերը. News am
Երեւանի ընդհանուր իրավասության դատարանի Նոր Նորքի եւ Ավանի նստավայրի բակում ի աջակցություն ՀՀ երկրորդ նախագահ Ռոբերտ Քոչարյանի անցկացված բողոքի ակցիայից հետո մի քանի հոգու բերման են ենթարկել Ոստիկանության Նոր Նորքի բաժին։
Նախնական տեղեկություններով՝ բերման ենթարկվածները 5 հոգի են։ Բերման ենթարկվածների թվում է նաեւ TV 5 հեռուստաալիքի սեփականատեր Արմեն Թավադյանը։ NEWS. am–ի թղթակիցը հայտնում է, որ այս պահին ոստիկանության Նոր Նորքի բաժնի դիմաց մարդիկ են հավաքված։
