Գագիկ Ծառուկյան անուն-ազգանունով գործարարի մասին տվյալներ ինձ չեն ներկայացրել. Անանյան
Պետական եկամուտների կոմիտեի նախագահ Դավիթ Անանյանը չի հիշում հարկ վճարողներին, քանի որ դրանք շատ են։ Այսօր Ազգային ժողովում լրագրողները ՊԵԿ նախագահից հետաքրքրվեցին, թե ինքը գիտի՞ Գագիկ Ծառուկյան անունով ձեռնարկատիրոջ, որը հարկ է վճարում։
Ի պատասխան Անանյանը հայտարարեց. «Ակտիվ հարկ վճարողները, ովքեր հարկային համակարգում ինչ-որ գործողություններ են կատարում, այսինքն՝ հաշվետվություններ են ներկայացնում, հարկեր են վճարում, շուրջ 85-90 հազարն են։ Եթե դուք կարծում եք, որ ես այդ բոլորին անգիր գիտեմ, շնորհակալություն եմ հայտնում, բայց այդպիսի ակնկալիքներ իմ հիշողությունից մի ունեցեք»։
Հարցին, թե չի՞ բացառում, որ Գագիկ Ծառուկյան անունով ձեռնարկատեր լինի, Անանյանը պատասխանեց. «Ես ասեմ՝ ամենօրյա վարչարարություն իրականցնելիս այդպիսի անուն-ազգանունով գործարար ինձ չե ներկայացրել իմ ենթակաները»։
Լրագրողը փորձեց ճշտել այդ հարցի մասին Ծառուկյանի հետ անհատական շփումներում քննարկումներ ունեցե՞լ է, Անանյանը արձագանքեց. «Ես պարոն Ծառուկյանի հետ անհատական շփումներ չունեմ»։
