ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանը ֆեյսբուքյան իր էջում աղբի տեսակավորմամբ զբաղվող պապիկի լուսանկար է հրապարակել և մակագրել. «Ինձ համար Շվեյցարիան այս նկարում պատկերված պապիկն է։ Ո՛չ թե շվեյցարական հայտնի բանկերը, ձեռագործ ու թանկարժեք ժամացույցները կամ հայտնի շվեյցարական բանակը։ Նկարի պապիկը դանդաղ, ուշադիր, խնամքով սորտավորում է իր կուտակած ԱՂԲԸ՝ ըստ թղթի, պլաստիկի, ապակու, սննդի, և խնամքով ամեն մեկը տեղավորում է համապատասխան աղբամանում։ Այս պապիկը գիտի՛, թե ինչ է նշանակում լինել քաղաքացի, գիտի՛, թե որտեղից է սկսում իր պետությունը, գիտի՛, որ ունի հասարակ մարդկային, քաղաքացիական պարտավորություններ իր պետության և մնացած քաղաքացիների առջև։ Առանց այսպիսի քաղաքացիների անհնար է ունենալ հզոր, տնտեսապես կայուն, արտադրող, հարուստ, առողջ պետություն»: