Գործադուլ Նորագավիթի ավտոմաքսատանը
Վարչապետի այցից հետո Նորագավիթի ավտոմաքսատանը կրքերը չեն հանդարտվում: Դրոշի գետնին դրված լինելու պատճառով, ինչպես հայտնի է, աշխատանքից ազատվեց շարքային տեսուչը, մաքսատան ղեկավարը: Armdaily. am-ի տեղեկություններով՝ այսօր էլ վաղ առավոտից մաքսատունը նորմալ չի աշխատել:
Լրատվականը փոխանցում է, որ լուրեր էին տարածվել, թե աշխատակիցները գործադուլ են անում, սակայն աշխատակիցները մաքսազերծում չիրականացնելը պատճառաբանել են համակարգչային ծրագրի խափանմամբ:
Լրատվամիջոցիր աղբյուրները, սակայն, հայտնում են, որ մոտ 30 աշխատակիցներ հայտարարել են, որ աշխատանքից ազատման դիմումներ կգրեն: Իրավիճակը փորձել է շտկել ՊԵԿ նախագահի տեղակալ Շուշանիկ Ներսիսյանը, ով պատասխանատու է մաքսային ծառայության համար: Սակայն նրան ոչինչ չի հաջողվել, չի բացառվում, որ խնդրին միջամտի ՊԵԿ ղեկավար Դավիթ Անանյանը: ՊԵԿ լրատվական ծառայությունից մեզ փոխանցեցին, որ մաքսատանը որեւէ խնդիր չկա, աշխատակիցներն էլ դիմումներ չեն գրել, աշխատանքը նորմալ ընթանում է:
