«Որպես Ծառուկյան, որպես ԲՀԿ ղեկավար, որպես հայ ընտանիքի հայր, ադաթով, ավանդույթով դաստիարակված մարդ, հավատքով եկեղեցու մարդ, ինձ համար դա անընդունելի է։ Դա արատ է, ու պետք է թաքուն պահեն։ Մենք երբեք ու երբեք հնարավորություն չեն տալու, որ դա տարածվի կամ օրինական ուժ ստանա»,- այս մասին այսօր լրագրողների հետ զրույցում ասաց ԲՀԿ առաջնորդ Գագիկ Ծառուկյանը։ Անդրադառնալով ԱԺ-ի ամբիոնից տրանսգենդերի ելույթին և Նաիրա Զոհրաբյանի դեմ դատական գործ սկսելուն Ծառուկյանը նշեց, որ իրենք Զոհրաբյանի կողքին են։ «Մենք Նաիրա Զոհրաբյանի կողքին ենք: Զոհրաբյանը , որպես Մարդու իրավունքների հանձնաժողովի նախագահ իրեն շատ ճիշտ է պահել: Նա թույլ է տվել այդ մարդուն խոսել, բայց այդ օրը օրակարգում այլ հարց է եղել, նա ուրիշ ձև իրեն չէր կարող պահել»,- ընդգծեց նա։