ՀՀ ՊՆ ղեկավարից խուսափող ադրբեջանցի գործընկերը հայերի հարձակման դեպքում «մտադիր է Տոնոյանին հանդիպել Երևանում»

Ադրբեջանի բանակը մատակարարման, զենքի որևէ խնդիր չունի, քանի որ կարող է վերսկսել ռազմական գործողությունները ցանկացած պահի։ Այս մասին այսօր հայտարարել է Ադրբեջանի պաշտպանության նախարար Զաքիր Հասանովը արձագանքել է Հայաստանի պաշտպանության նախարար Դավիթ Տոնոյանի այն խոսքերին, որ հայկական կողմը փոխում է մարտավարությունը, և եթե նոր պատերազմ լինի, նոր հողեր կազատագրվեն։ Shantnews .am-ի հաղորդմամբ՝ Ադրբեջանի ՊՆ ղեկավարը փոքրոգություն է դրսևորել ու անձնական պիտակներ է օգտագործել Տոնոյանի մասին խոսելիս։ Նա նաև խոսել է նոր պատերազմի հավանական ելքի մասին։ «Եթե նրանք անցնեին հարձակման, ես նրա (Տոնոյանի – խմբ) հետ կհանդիպեի Երևանում», – ասել է Հասանովը։ Լրատվամիջոցը նկատում է, որ Հասանովը պարբերաբար հնարավորություն է ունենում հանդիպելու Հայաստանի պաշտպանության նախարարի հետ, բայց խուսափում է այդպիսի հանդիպումից նույնիսկ ֆիզիկապես․ ամեն անգամ, երբ նրանք լուսանկարվում են ԱՊՀ նախարարների կազմով, Հասանովը լքում է Ադրբեջանի դրոշը՝ Հայաստանի պաշտոնյայից հեռու կանգնելու համար։