ՈՒՂԻՂ. Փաշինյանը հարցաքննվում է դատարանում

Վարչապետ Նիկոլ Փաշինյանը հարցաքննվել է «Ելքե դաշինքի անդամների եւ Հոկտեմբերի 27-ի գործով ազատազրկման դատապարտված Մանախ մականունով հայտնի Արթուր Այվազյանի միջեւ տեղի ունեցած միջադեպի գործով: Դեռ 1 ժամ էլ չի անցել, ինչ Փաշինյանը ժամանել է Երեւան քաղաքի ընդանուր իրավասության դատարանի Շենգավիթ նստավայր։ Նշենք, որ այս գործով Փաշինյանն ունի վկայի կարգավիճակ։ Հիշեցնենք, որ համաձայն մեղադրական եզրակացության՝ Արթուր Այվազյանին մեղադրանք է առաջադրվել այն բանի համար, որ նա 2017թ մարտի 31-ին ժամը 22:40-ի սահմաններում Անդրանիկի փող 53 շենքի բակում անթաքույց արհամարհանք դրսեւորելով հասարակության նկատմամբ , «ԵԼՔե դաշինքի համակիր Հայկ Սարգսյանի նկատմամբ բռնություն գործադրելով՝ կոպիտ կերպով խախտել է հասարակական կարգը: Հիշեցնենք, որ ամիսներ առաջ Արթուր Այվազյանի խափանման միջոց կալանավորումը փոխվել է գրավով։ Արթուր Այվազյսնը 15 տարվա պատժաչափն ամբողջությամբ կրելուց հետո 2017թ. փետրվարի 16-ին ազատ էր արձակվել «Արթիկե ՔԿՀ-ից։ Նա դատապարտվել էր հոկտեմբերի 27-ի գործով կարեւորագույն վկաներից մեկի սպանությունը պատվիրելու եւ կազմակերպելու համար։ Տեսանյութը՝ News .am-ի: