Էրդողանի կուսակցությունը պարտություն է կրել Թուրքիայի մայրաքաղաքում

"Արդարություն և զարգացում" պահպանողական կուսակցությունը, որի առաջնորդը Թուրքիայի նախագահ Ռեջեբ Թայիփ Էրդողանն է, պարտվել է երկրի մայրաքաղաք Անկարայում անցկացված քաղաքային ընտրություններում: Այս մասին են վկայում երկրի Գերագույն ընտրական հանձնաժողովի տվյալները: Քվեաթերթիկների 99%-ի հաշվարկից հետո պարզ է դարձել, որ Անկարայում 50,89% ձայն է հավաքել ընդդիմադիր ժողովրդահանրապետական կուսակցության ներկայացուցիչ Մանսուր Յավաշը, իսկ Էրդողանի կուսակցության ներկայացուցիչ և գործող քաղաքապետ Մեհմետ Օժասեկին 47,06%: Միևնուն ժամանակ Ստամբուլում հաղթանակի մասին են հայտնել և' իշխող ուժի ներկայացուցիչը, և' ընդդիմության թեկնածուն: