Այ Նիկոլ ջան, դու ախր զենք ստուգո՞ղ ես․ Վարդանյան

Վեդիում քաղաքացիների հետ հանդիպման ընթացքում «Հայաստան» դաշինքի անդամ Քրիստինե Վարդանյանն անդրադարձել է քարոզարշավի վերջին օրերին բառապաշարի թեժացմանն՝ ընդգծելով, որ դրա պատճառը իշխող ուժի հիստերիան է։ 

«Նկատե՞լ եք ինչ բառապաշարով սկսեցին խոսել, նկատե՞լ եք ինչ անկանոն շարժումներ սկսեցին անել, էլի վերադառնալ անպատասխանատու հայտարարություններին, հասնել այնտեղ, որ մարդկանց ասում են բարև ձեզ, մարդիկ ասում են՝ «այ մարդ, չենք ուզում ձեզ տեսնենք, ամենավատ օրն է, որ ձեզ տեսնում ենք», Փաշինյանը պատասխանում է՝ «ոչինչ, ոչինչ»։ 

Այս պահվածքը, որ տեսնում եք՝ ինքնավստահ ուժի, իր ուժերին հավատացող ուժի, 60% ունեցող ուժի պահվածք չի, այս պահվածքը մի հատ ուժի պահվածք է, որը հասկանում է, որ հունիսի 7-ին կարող է իշխանություն կորցնի ու այդ ճանապարհով էլ գնում է։ 

Այս մարդը կանգնում է պիկապի  վրա, ասում է՝ գնացել եմ, ստուգել եմ զենքերը, կրակում են, մայիսի 28-ին կտեսնեք։ Այ Նիկոլ ջան, դու ախր զենք ստուգո՞ղ ես, դու զենքից հասկացո՞ղ ես, դու հակաօդային պաշտպանության զենքը՝ հրետանուց կարաս տարբերե՞ս։ Դու կարաս ճաշը ստուգես, դու կարաս խոզ խանձես, ՍՈւ-երն էլ էիր ստուգել, կրակեցի՞ն այդ ՍՈւ-երը։ Չէիր կարողացել հասկացնել՝ հրթիռ ունեն էդ ՍՈւ-երը, թե չունեն ժողովուրդ ջան դուք այսպիսի իշխանության արժանի չեք»,- ասել է Վարդանյանը։