Նա քաղաքական գործիչ չի․ Ավինյանը՝ Մարությանի մասին

Առաջին փուլում Հայկին չեմ քվեարկել։ Մարությանի թեկնածությունը շատ իմ սրտով էլ չէր, որովհետև նա քաղաքական մարդ չէր, իսկ քաղաքականության մեջ շատ կարևոր է, որ մարդ լինի քաղաքական։ Այս մասին Tete A Tete-ի հետ հարցազրույցի ժամանակ ասել է Երևանի քաղաքապետ  Տիգրան Ավինյանը

«Նա քաղաքական գործիչ չի։  Սկսած նրանից, որ աշխատանքի պետք է գնալ ճիշտ ժամին, որպեսզի տեղում լինես և կարողանաս զանգերին պատասխանել, և դու պիտի լինես պրոակտիվ քո խնդիրները լուծելու համար, Երևան քաղաքը հսկա քաղաք է, որը որ կոմպլեքս լուծումներ է պահանջում  ու միայն նկարվելու և ինչ-որ բաներ ցույց տալու մասին չի, պետք է որոշ դեպքերում բարդ որոշումներ կայացնել, որի համար քեզ կփնովեն, քեզ վատ բաներ կասեն, բայց չպիտի վախենաս այդ որոշումներից, որովհետև եթե դու լինես քաղաքական գործիչ դու պիտի հասկանաս, որ որոշ դեպքերում ոչ պոպուլյար կարճաժամկետ որոշումները կբերեն նեգատիվի, բայց իքս ժամանակից հետո դա կտա իր արդյունքը։

Եվ եթե այդ որոշումները չես կայացնում, դու ուղղակի քո խնդիրը տեղափոխում ես հաջորդ պաշտոնավարող մարդու ուսերին։

Եթե արդյունավետ քաղաքապետ լիներ, կարծում եմ առ այսօր կլիներ քաղաքապետ»,- ասել է Ավինյանը։