Մեր դեմ մահափորձ է ծրագրվում․ Զելենսկու աղմկահարույց հայտարարությունը

Ռուսաստանի Դաշնությունը ծրագրում է մահափորձեր իրականացնել Ուկրաինայի բարձրագույն ղեկավարության նկատմամբ։ Այս մասին հայտարարել է Ուկրաինայի նախագահ Վլադիմիր Զելենսկին՝ անդրադառնալով երկրի պետական պաշտոնյաների անվտանգությանը սպառնացող վտանգներին։

Ըստ Ուկրաինայի առաջնորդի՝ ռուսական հատուկ ծառայությունները ներկայումս ակտիվորեն փնտրում և հավաքագրում են տվյալներ ուկրաինացի պաշտոնյաների տեղաշարժերի ու գտնվելու հիմնական վայրերի վերաբերյալ։ Այդ գործողություններն իրականացվում են թիրախավորված կերպով։

Վլադիմիր Զելենսկին հստակեցրել է, որ հնարավոր հարձակումների թիրախում միայն նախագահը չէ։ Ռուսական կողմի ուշադրության կենտրոնում են հայտնվել նաև Ուկրաինայի քաղաքական ղեկավարության այլ ներկայացուցիչներ, ինչպես նաև հետախուզական մարմինների ու հատուկ ծառայությունների ղեկավար կազմը։