Ո՞վ է նախագահի՝ «Սասնա Ծռերի» թեկնածուն Արցախում, Փաստ
«Փաստ» օրաթերթը գրում է. «Նախօրեին Ժիրայր Սեֆիլյանը հայտարարել էր, որ նախագահական ընտրություններին հայտ ներկայացրած Սամվել Բաբայանի հետ կհամագործակցեն այն դեպքում, եթե նա պաշտպանի իրենց թեկնածուին: Սեֆիլյանը համոզմունք էր հայտնել, որ ճիշտ կլինի, եթե Բաբայանը ոչ թե առաջադրվի, այլ աջակցողի դերում լինի՝ «մեր պատկերացրած նոր անձնավորությանը հասցնելու իշխանության»:
«Փաստ» թերթի տեղեկություններով, այս պահին, որպես «Սասնա Ծռերի» և Ս. Բաբայանի «միասնական թեկնածու» շրջանառվում է «Սասնա Ծռերի» արցախյան գրասենյակի կոորդինատոր Գեղամ Գրիգորյանի և տեղի ակտիվիստներից՝ Մխիթար Ավետիսյանի անունները:
Վերջինս հայտնի է «Օրիֆլեյմի Մխիթար» անունով: Նրա առաջադրման շանսերն առավել հավանական են համարվում այն առումով, որ մասնակցել է ՊՊԾ գնդի գրավմանը, իսկ Արցախում «Սասնա Ծռերի» համար նախընտրելի են վերոնշյալ կերպարով դեմքերը, այսպես կոչված, «թրծվածները»»:
Մանրամասներըՙ թերթի այսօրվա համարում:
