Կյանքից հեռացել է ԽՍՀՄ ժողովրդական արտիստ Վլադիմիր Էտուշը
97 տարեկան հասակում կյանքից հեռացել է ԽՍՀՄ ժողովրդական արտիստ Վլադիմիր Էտուշը:
Մարտի 8-ին դերասանի ինքնազգացողությունը վատացել է: Շտապօգնությունը նրան հոսպիտալացրել է՝ տեղափոխելով մոսկովյան կլինիկաներից մեկի վերակենդանացման բաժանմունք: Սակայն բժիշկներին չի հաջողվել փրկել նրա կյանքը:
Վերջին շրջանում դերասանի առողջական վիճակը վատ էր, ինչի պատճառով նա մի քանի անգամ հոսպիտալացվել էր:
Նրա դերերից առավել հայտնի են Սաախովը («Կովկասի գերուհին»), ատամնաբույժ Շպակը («Իվան Վասիլևիչը փոխում է մասնագիտությունը») եւ Կարաբաս Բարաբասը («Բուրատինոյի արկածները»):
