17:00 Լուրերը մեկ տողով. Միգրանտների նոր օրենքը ՌԴ-ում. Պատգամավորի թեկնածուի քրգործը

Անցած ժամվա լուրերը՝ հակիրճ և բովանդակային.

• ԿԸՀ-ն դատախազությանն է վերադարձրել պատգամավորի թեկնածուի նկատմամբ քրեական հետապնդում հարուցելու միջնորդությունը և չեղարկել «Ուժեղ Հայաստան» դաշինքի 106 թեկնածուների գրանցումը։


•  Կառավարությունում քննարկվել են ցորենի տեղական արտադրության խթանման, չօգտագործվող հողերի քարտեզագրման և ներդրումային նոր ծրագրերի մշակման հարցերը։ 


• Ռուսաստանի Պետդուման օրենք է ընդունել, որով խստացվում են աշխատանքային միգրանտների չափահաս երեխաների՝ երկրում գտնվելու և աշխատանքային արտոնագիր ստանալու պայմանները։ 


• Թուրքիայի նախագահը հայտարարել է, որ Անկարան օգտագործում է Ռուսաստանի հետ կապի ուղիները՝ խաղաղության բանակցություններ սկսելու և Ուկրաինայի հարցը կարգավորելու համար։ 


• Իրանի նախագահը խիստ քննադատել է ԱՄՆ-ին՝ ֆուտբոլի աշխարհի առաջնությունը սեփական արտաքին քաղաքական նպատակներին ծառայեցնելու և կանոնները խախտելու համար։ 


• Meta ընկերությունը ներկայացրել է պատկերներ ստեղծող արհեստական բանականության նոր մոդել, որը հանրային էջերի օգտատերերի լուսանկարներն օգտագործելու հնարավորության պատճառով դժգոհություն է առաջացրել։