Էրդողանը մանրամասներ է ներկայացրել Թրամփի հետ բանակցություններից

Թուրքիան և Միացյալ Նահանգները քննարկել են պաշտպանական արդյունաբերության ոլորտում համագործակցության զարգացումը, այդ թվում՝ ռազմանավերի, սուզանավերի և ֆրեգատների հետ կապված նախագծերը, հայտարարել է Թուրքիայի նախագահ Ռեջեփ Թայիփ Էրդողանը։

«Մենք ԱՄՆ նախագահ Դոնալդ Թրամփի հետ քննարկել ենք պաշտպանական համագործակցությունը ։ Մասնավորապես, մենք քննարկել ենք նավերը, սուզանավերն ու ֆրեգատները», - Անկարայում լրագրողներին ասել է Էրդողանը։

Վերջին տարիներին առկա տարաձայնություններին չնայած՝ Թուրքիան և Միացյալ Նահանգները շարունակում են երկխոսությունը ռազմատեխնիկական համագործակցության շուրջ։ F-16 կործանիչների մատակարարման և Անկարայի F-35 ծրագրին հնարավոր վերադարձի քննարկումից բացի, կողմերը ուսումնասիրում են ռազմածովային համագործակցության հեռանկարները, այդ թվում՝ մակերեսային նավերի և սուզանավերի կառուցումը, ինչպես նաև համատեղ պաշտպանական տեխնոլոգիաների մշակումը։