Պլիտայի կաբելը հալել է, կպել, հրդեհ չկա. Շշի Մելո
Օրեր առաջ ՀՀ ԱԻՆ մամուլի ծառայությունից հայտնել էին, որ Ազգային Ժողովի նախկին պատգամավոր՝ «Շշի Մելո» մականվամբ Մելիք Մանուկյանի գործարանում կրկին հրդեհ է բռնկվել։ Դեպքի վայր էր մեկնել Աբովյանի հրշեջ-փրկարարական ջոկատը՝ 1 մարտական հաշվարկով։
ArmDaily. am-ի հետ զրույցում Մելիք Մանուկյանն ասաց, որ թեթեւ բան է եղել։ «Կաբինետի կողքի պլիտայի կաբելը հալել է, կպել է, թեթեւ բան է եղել, չկա հրդեհ, սարքեցին պատմություն, լուրջ բան չկա»։ Մելիք Մանուկյանն ասաց, որ պատճառը էլեկտրաէներգիայի անընդմեջ անջատումներն են։
