Մոտ երկու շաբաթ առաջ Նուբարաշենի ՔԿՀ-ում շուրջ 44 օր հացադուլից հետո մահացած Մհեր Եղիազարյանի հայրը՝ Երամիշ Եղիազարյանը նույնպես մահացել է: Այս մասին տեղեկացնում է «Ազգային համաձայնություն» կուսակցության նախագահ Արամ Հարությունյանը. «Կադրային ապաշնորհ քաղաքականությունը կքանդի այն ամենն, ինչի վրա կառուցվեց այս իշխանափոխությունը: Քիչ առաջ իր մահկանացուն կնքեց Մհեր Եղիազարյանի 74- ամյա հայրը՝ Երամիշ Եղիազարյանը, որը ինսուլտ էր ստացել որդու մահվանից մի քանի օր հետո: Աստված հոգին լուսավորի…», - գրել է Հարությունյանը