«Դեղին բաճկոնները» շրջափակել են Amazon-ի լոգիստիկ կենտրոնի շենքը, արցունքաբեր գազ է կիրառվել

Փարիզում ոստիկանությունն արցունքաբեր գազ է կիրառել «դեղին անթև բաճկոններ» շարժման բողոքի ցույցի ագրեսիվ մասնակիցներին ցրելու համար: Ինչպես փոխանցում է РИА Новости-ն, շաբաթ ցերեկը Փարիզում և ֆրանսիական այլ քաղաքներում մեկնարկել է «դեղին բաճկոնների» 14-րդ բողոքի ակցիան: Փարիզյան երթը մեկնարկել է Հաղթանակի կամարի մոտից, անցել է մայրաքաղաքի գլխավոր գետի՝ Սենի մյուս ափը, մոտեցել է Լուվրին և կրկին անցել նախնական ափ: Իսկ Թուլուզ քաղաքում «դեղին բաճկոնների» բողոքի ակցիայի մասնակիցները շրջապատել են Amazon ընկերության լոգիստիկ կենտրոնի մուտքերը: TASS լրատվական գործակալության աղբյուրը նշւմ է, որ ցուցարարները մտադիր են խաթարել առևտրային կազմակերպությունների աշխատանքները: