160 մեքենայի համար նախատեսված նոր ստորգետնյա կայանատեղի կշահագործվի
Շահումյանի հրապարակի կայանատեղիին կփոխարինի 160 մեքենայի համար նախատեսված նոր ստորգետնյա կայանատեղին։ Այս մասին իր ֆեյսբուքյան էջում գրել է Երևանի ավագանու իրավական հարցերի մշտական հանձնաժողովի նախագահ Գայանե Մելքոմ Մելքոմյանը։
«Երբ մոտ մեկ ամիս առաջ Երևանի ավագանին որոշեց այլևս Շահումյանի հրապարակը որպես ծառայողական ավտոկայանատեղի չտրամադրել մոտակա բիզնես կենտրոններին, որոշ մարդիկ դժգոհեցին` թե այսուհետ այդ 60 մեքենաները որտեղ են կայանելու:
Ահա, այստեղ: 160 մեքենայի համար նախատեսված այս նոր ստորգետնյա կայանատեղին գտնվում է ոչ շատ հեռու` Հյուսիսային Պողոտա-Պուշկին հատվածում: Այս պահին գծանշումներն են ավարտում, և առաջիկայում այն կհանձնվի շահագործման»,-ասված է գրառման մեջ։
