Զոհված զինծառայողը մանկատանն է մեծացել, վերջերս էր վերադարձել ծառայության
ՀՀ ՊՆ N զրամասերից մեկի պահպանության տեղամասում հրազենային վիրավորումից մահացած 34-ամյա պայմանագրային զինծառայող Մեսրոպ Գրիգորյանը Կոտայքի մարզի ՍՕՍ մանկական գյուղից էր: Այս մասին NEWS. am-ին հայտնեց Կոտայք գյուղի վարչական ղեկավար Կարեն Մնացականյանը: Նա նշեց, որ զինծառայողը մեծացել է մանկատանը, ունի քույր և եղբայր, սակայն բնակվում էր Վայոց Ձորի մարզի Խաչիկ գյուղում:
Նշվում է, որ Գրիգորյանը տևական ժամանակ ծառայել է զինված ուժերում, ապա դադարեցրել ծառայությունը: 2018թ. հոկտեմբերին նա նոր պայմանագիր էր կնքել, շարունակել ծառայությունը ԶՈւ-ում:
Ավելի վաղ հայտնել ենք, որ այսօր՝ փետրվարի 11-ին ՀՀ ԶՈւ-երի զորամասերից մեկի պահպանության տեղամասում, հրազենային վիրավորումից մահացել է զինծառայող, պայմանագրային Մեսրոպ Ռուբիկի Գրիգորյանը։ Դեպքի հանգամանքները պարզելու համար քննություն է իրականացվում:
