Երևանում կտեղադրվի Մարտի 1-ի զոհերի հիշատակը հավերժացնող հուշարձան
ԱԺ փոխնախագահ Լենա Նազարյանի առաջարկով Երևանում կտեղադրվի Մարտի 1-ի զոհերի հիշատակը հավերժացնող հուշարձան: Ավելին, հարցն արդեն իշխանության օրակարգում է:
Armtimecs. com-ը գրում է, որ օրեր առաջ Լենա Նազարյանն առաջարկը ներկայացրել է Երևանի քաղաքապետ Հայկ Մարությանին: Առաջարկը Երևանի գլխավոր ճարտարապետի աշխատասեղանին է:
Մարտի 1-ի զոհերի ծնողները ցանկություն են հայտնել, որ Մարտի 1-ի ոճրագործության 11-րդ տարելիցին այն պատրաստ լինի, բայց քաղաքապետարանում դա անհնար են համարում:
Զոհերի հարզատներն առաջարկում են, որ հուշարձանը տեղադրվի Գրիգոր Լուսավորիչ փողոցի հատվածում, քաղաքապետարանի հարևանությամբ, քանի որ այստեղ են զարգացել գլխավոր իրադարձությունները: Մյասնիկյանի արձանի մոտ էին Մարտի 1-ի տարելիցին ընդդիմադիրներն ու քաղաքացիները խոնարհում ծաղիկներ:
