Փաշինյանը կոչ է արել համացանցում հայերեն գրել

ՀՀ վարչապետ Նիկոլ Փաշինյանը կոչ է արել համացանցում հայատառ գրել: Այս մասին նա գրել է իր Facebook-յան էջում: «Սիրելի՛ հայրենակիցներ. հասարակական նախաձեռնությամբ 2012 թվականից ի վեր փետրվարի 7-ը հռչակվել է համացանցում հայատառ գրելու օր: Այս առումով ինձ համար բոլոր օրերն էլ փետրվարի 7-ն են եւ ուզում եմ բոլորիդ կոչ անել՝ համացանցում հայերեն տեքստերը գրել հայատառ: Դա առավել հարգալից մոտեցում է ոչ միայն մեր ազգային հանճարի՝ Մեսրոպ Մաշտոցի, այլեւ բոլոր այն օգտատերերի նկատմամբ, ովքեր Ձեր գրառումները կարդում են», – ասված է նրա գրառման մեջ: