Պետական վերահսկողական ծառայության մամուլի խոսնակ Զարուհի Մեջլումյանը, ըստ Hraparak. am-ի, աշխատանքից ազատվել է։ Տեղեկության հավաստիությունը ճշտելու համար AuroraNews-ը զրուցեց Վերահսկողական ծառայության պետի խորհրդական Ռոման Ալավերդյանի հետ, ով հերքեց Մեջլումյանի՝ աշխատանքից ազատման մասին լուրը։ Նա, հղում անելով կադրերի բաժնին, նշեց, որ համենայն դեպս նման դիմում վերջինիս կողմից չի ստացվել։ Հավելենք, որ Զարուհի Մեջլումյանի հետ առ այս պահը կապ հաստատել չի հաջողվում, քանի որ համարը անհասանելի էր։ Հիշեցնենք, որ վերջին շրջանում ցմահ դատապարտյալ Մհեր Ենոքյանի ներման խնդրի հետ կապված սոցցանցերում բարձրացված աղմուկի ժամանակ անվերջ շեշտվում էր նրա կարգավիճակը, ինչն էլ, ըստ տեղեկությունը տարածած լրատվամիջոցի, պատճառ է դարձել վերջինիս` աշխատանքից ազատվելու դիմում գրելու համար: