Քոչարյանի ընտանիքին պատկանող բիզնեսների վերաբերյալ հայտարարույթուն կլինի․ Վանեցյան

ԱԱԾ տնօրեն Արթուր Վանեցյանն լրագրողների հետ զրույցում անդրադարձել է նաև նախկին նախագահ Ռոբերտ Քոչարյանի ընտանիքին պատկանող բիզնեսների մասին իր նախկինում արված հայտարարությանը: «Ինչ վերաբերվում է իմ հայտարարությանը՝ Քոչարյանի ընտանիքին պատկանող բիզնեսների մասին, ապա քրեական գործ կա հարուցված, իրականացվում է քննություն և արդյունքների մասին կլինի համապատասխան հայտարարություն ԱԱԾ քննչական դեպարտամենտի կողմից», - նշեց Ա.Վանեցյանը: 2018-ի դեկտեմբերին Արթուր Վանեցյանն ասել էր, որ «Կոնգրես» հյուրանոցը գնվել է ապօրինի ձեռք բերված գումարներով, այդ մասով քրեական գործը հարուցված է փողերի լվացման հատկանիշներով։