Վարչապետ Նիկոլ Փաշինյանը հետ է կանչել շոումեն Գարիկ Մարտիրոսյանի եղբորը՝ Լևոն Մարտիրոսյանին, Կանադայում ՀՀ դեսպանի պաշտոնից։ Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի, նախագահ Արմեն Սարգսյանը հրամանագիր է ստորագրել, ըստ որի Լևոն Մարտիրոսյանը հետ է կանչվել Կանադայում Հայաստանի Հանրապետության արտակարգ և լիազոր դեսպանի պաշտոնից: Հիշեցնենք, որ Լևոն Մարտիրոսյանին այս պաշտոնում նշանակել էր նախկին նախագահ Սերժ Սարգսյանը։ Մարտիրոսյանը նախկինում ԱԺ պատգամավոր էր։