Ադրբեջանը թանկացնում է Վրաստան մատակարարվող գազի գինը
SOCAR Georgia Gas (SGG) ընկերությունը, որն Ադրբեջանի պետական նավթային ընկերության դուստր ընկերությունն է ու Վրաստանին բնական գազի հիմնական մատակարարը, մարտի 1-ից թանկացնում է գազի գները:
Կազմակերպության տարածած հայտարարությունում ասվում է, որ կոմերցիոն օգտատերերի համար գազի գինը 1 խորանարդ մետրի դիմաց 95 թեթրի կլինի` ներառյալ ԱԱՀ-ն. գրում է aliq. ge-ն:
Կոմերցիոն բաժանորդները գործող սակագնի համաձայն 1 խորանարդ մետրի դիմաց 84 թեթրի են վճարում, այսինքն՝ գազի գինը կթանկանա 10,5%-ով:
Ըստ պաշտոնական տեղեկատվության, պատճառը լարիի փոխարժեքի և բաշխման սակագնի փոփոխությունն է:
