Պետք է պետական աշխատավարձերը գոնե մոտեցնել մասնավորին․ Ավինյան
ՀՀ փոխվարչապետ Տիգրան Ավինյանն այսօր լրագրողների հետ զրույցում անդրադարձել է քաղծառայության համակարգին և քաղծառայողների աշխատավարձերի թեմային։
Լրագրողների հարցերին պատասխանելով՝ նա մասնավորապես ասել է․ "Պետք է պետական աշխատավարձերը գոնե մոտեցնենք մասնավոր սեկտորին: Բարոյական կողմի վրա միանշանակ պետք է ուշադրություն դարձնել, սակայն եթե մենք իրապես ցանկանում ենք կայացնել մրցունակ պետական համակարգ, մենք պետք է քաղծառայության համակարգը վերանայենք, ինչպես նաեւ պետական համակարգում աշխատավարձերը գոնե մոտեցնենք մասնավոր սեկտորին եւ մրցունակ դարձնենք, որպեսզի լավագույն կադրերը ինչ–որ մի փուլում չգնան մասնավոր սեկտոր":
Հարցին, թե ՊԵԿ նախագահ Դավիթ Անանյանին պաշտոնանկ անելու վերաբերյալ կառավարությունը մտածո՞ւմ է, Ավինյանը պատասխանեց. «Նման քննարկում չի եղել»:
