Գժուկներ ջան մի շեղվեք, ոչխար պահեք.լրատվականի ղեկավարին կանչել են ԱԱԾԳժուկներ ջան մի շեղվեք, ոչխար պահեք.լրատվականի խմբագրին կանչել են ԱԱԾ

«Բլոգնյուզ» լրատվական կայքի ղեկավար Կոնստանտին Տեր-Նակալյանին կանչել են ԱԱԾ հարցաքննության։ Այս մասին Տեր-Նակալյանը տեղեկացրել է ֆեյսբուքյան գրառմամբ։ «Մենք ապրում ենք Նոր Հայաստանում... ... որտեղ նախարարը կարծում է, որ հոգևորականը դպրոցում գործ չունի, իսկ տրանսվեստիտ ակիվիստը նախարարությունում` ունի... ... որտեղ ֆինանսական հանցագործության համար նստած հացադուլավորը մահանում ա բերդում, իսկ մարդասպան ահաբեկիչները վայելում են ազատության բերկրանքը ու բախտերն են փորձում ընտրություններում... որտեղ քաղաքի մեքենաների կեսը անֆառ ու անակումուկյատոր ա մնացել գողության զարթոնքից, իսկ ոստիկանությունը կրոնական թշնամանքի մասին հեքիաթներով է զբաղվում... որտեղ աղանդավորական կազմակերպության քմահաճույքով իրավապահ մարմինները ամենամեծ մեդիա միավորներին են բզբզում ու դա անում են օրինակ` այդ կազմակերպության անդամ հանդիսացող վարչապետի օգնականի միջոցով... Ինձ վաղը հրավիրել են ԱԱԾ` հարցաքննվելու մի քրեական գործով, որը վերաբերում է լրատվամիջոցների միջոցով կրոնական թշնամանք հարուցելուն: Ես վաղը փաստաբանի հետ գնալու եմ ԱԱԾ, որպեսզի տեսնեմ, թե ինչ են ինձանից ուզում և ինչու են ինձանից ուզում: Գժուկներ ջան, դուք էլ մի շեղվեք ու ոչխար պահեք»,-գրել է նա: