ԱԱԾ-ն և ոտիկանությունը նախարարություններ չեն դառնա, սակայն հաշվետու կլինեն ԱԺ-ին

Պետական մարմինները պետք է լինեն խորհրդարանական վերահսկողության ներքո, բայց դա չի նշանակում, որ դրա համար պարտադիր է, որ դրանք դառնան նախարարություններ։ Այս մասին հայտնել է վարչապետ Նիկոլ Փաշինյանը։ «Ի՞նչ է նշանակում նախարարություն ոստիկանության պարագայում։ Նշանակում է, որ քաղաքական դեմք պետք է նշանակվի այդ ուժային կառույցի ղեկավար։ Սրանից բխում է, որ այդ ուժային կառույցը ուղղակիորեն կամ անուղղակիորեն կուսակցականացվելու է»,- նշեց վարչապետը։ Փաշինյանի խոսքով՝ այսօրվա կարգավորումների պայմաններում որոշակիորեն պահպանվում է ոստիկանության ու մյուս իրավապահ համակարգերի կայունությունը, և այնտեղ կադրային փոփոխությունները լինում են շատ բալանսավորված ու հանգիստ, որ կայունությունն ու երկրի անվտանգությունը չխաթարվի։ Ինչ վերաբերում է խորհրդարանական վերահսկողության հաստատմանը, Փաշինյանը նշեց, որ իրենք հավատարիմ են այս գաղափարին։