Մարտական հերթապահության անձնակազմը պարգևատրվել է, ընդ որում՝ երկու անգամ․ Տոնոյան
Իհարկե, զինված ուժերի տրամադրվածության վրա դա ազդում է: Այս մասին այսօր «Եռաբլուր» պանթեոնում լրագրողների հետ զրույցում հայտարարեց պաշտպանության նախարար Դավիթ Տոնոյանը՝ անդրադառնալով պաշտպանության նախկին նախարար Սեյրան Օհանյանի այն պնդմանը, որ մասնավորապես, Մարտի 1»-ի գործի վերաբերյալ հրապարակումները հարվածում են բանակին:
«Բայց ինչպես ասացի՝ մենք հաղթահարում ենք եւ անում ենք առավել քան»,-ընդգծեց Դավիթ Տոնոյանը:
Անդրադառնալով վերջին շրջանում հանրային հնչեղություն ստացած պարգևատրումներին, նախարար Տոնոյանը հայտնեց, որ նախորդ տարի իրենք բավականին մեծ ծավալի ֆինանսներ են տրամադրել պարգեւավճարների համար. «Դրանք գոյացել են խնայողություններից, որոնք չեն ուղղվել ինչ-ինչ ձեռքբերումների, այլ տրամադրվել են անձնակազմին որպես հավելավճար: Առաջին հերթին տրամադրվել է մարտական հերթապահության մեջ ընդգրկված անձնակազմին: Ընդ որում, եթե չեմ սխալվում երկու անգամ»:
