«Արմավիր» ՔԿՀ-ում 6 անգամ դատապարտված դատապարտյալ է մահացել
«Արմավիր» քրեակատարողական հիմնարկում դատապարտյալ է մահացել: Լուրը Tert-ի հետ զրույցում հաստատեցին Քրեակատարողական ծառայության հանրային կապերի բաժնից:
««Արմավիր» ՔԿՀ-ում մահացել է դատապարտյալ Արմեն Նազարյանը, ով ազատազրկման է դատապարտվել ՀՀ ՔՕ-ի 266-րդ հոդվածի 3-րդ մասի 2-րդ կետով նախատեսված արարք կատարելու համար: Նա նախկինում ևս դատապարտված է եղել 6 անգամ»,-հայտնեցին Քրեակատարողական ծառայության հանրային կապերի բաժնից:
ՔԿԾ հանրային կապերի տեղեկացմամբ՝ հունվարի 27-ի առավոտյան՝ ժամը 11:30-ին, Արմեն Նազարյանի ինքնազգացողությունը վատացել է, հրավիրվել է շտապօգնության խումբ, հոսպիտալացվելու հորդորը դատապարտյալը մերժել է:
«Նույն օրը երկրորդ անգամ՝ ժամը 22:33-ին, նրա ինքնազգացողությունը վատացել է, 23:00-ին ժամանել է շտապօգնության խումբը և արձանագրել է Արմեն Նազարյանի կենսաբանական մահը»,-հայտնեցին ՔԿԾ հանրային կապերի բաժնից, հավելելով, որ նշանակված է դատաբժշկական փորձաքննություն, կատարվում է նախաքննություն:
