Երեկ՝ խոշոր չափի գողության դեպք է տեղի ունեցել Երևանում։ Ժամը 20։30-ի սահմաններում Ոստիկանության կենտրոնական բաժին է դիմել Երևան քաղաքի բնակիչ՝ 56-ամյա Արմեն Հովհաննիսյանը և հայտնել, որ նույն օրը, ժամը 10։20-ից մինչև 14։30-ն ընկած ժամանակահատվածում անհայտ անձը կամ անձինք տեխնիկական միջոցների գործադրմամբ բացել են իր տան մուտքի դուռը, մտել տուն և այնտեղից հափշտակել ոսկյա ու արծաթյա զարդեր և մի քանի հատ թանկարժեք բջջային հեռախոս։ SHAMSHYAN-ի տեղեկություններով՝ տուժած Ա. Հովհաննիսյանն աշխատում է Հաշվեքննիչ պալատում՝ որպես գլխավոր մասնագետ։ Նա կրել է 15 մլն դրամից ավելի վնաս։