Ուշադիր հետևում ենք Վենեսուելայում տեղի ունեցող զարգացումներին. ԱԳՆ

ՀՀ ԱԳՆ-ն հայտարարություն է տարածել Վենեսուելայում տեղի ունեցող բողոքի ակցիաների վերաբերյալ։ «Ուշադիր հետևում ենք Վենեսուելայում տեղի ունեցող զարգացումներին և հուսով ենք, որ իրադրությունը խաղաղ հանգուցալուծում կունենա»,-նշված է հայտարարության մեջ։ Նշենք, որ «Հունվարի 21-ից սկիզբ առած բողոքի ցույցերի ընթացքում ձերբակալվել է 364 քաղաքացի»,- այս մասին հայտարարել է «Վենեսուելայի քրեական ֆորում» ոչ կառավարական կազմակերպության ղեկավար Ալֆրեդո Ռոմերոն: Հիշեցնենք՝ Վենեսուելայում արդեն չորրորդ օրն է՝ չեն դադարում բողոքի ակցիաներն ու երթերն ընդդեմ իշխող նախագահ Նիկոլաս Մադուրոյի: Հունվարի 23-ին ընդդիմության առաջնորդ Խուան Գուայդոն հայտարարել է իրեն երկրի ժամանակավոր ղեկավար: Ինքնահռչակված Գուայդոյին որպես Վենեսուելայի նախագահի ժամանակավոր պաշտոնակատար արդեն ճանաչել են ԱՄՆ-ն, Կանադան, Լատինական Ամերիկայի երկրների մեծ մասը: Սակայն ՌԴ ԱԳՆ Սերգեյ Լավրովը հայտարարել է, որ Վենեսուելայի օրինական ղեկավար են ճանաչում միայն Նիկոլաս Մադուրոյին: