Ռոբերտ Քոչարյանի գործով երկրորդ դատավորի ինքնաբացարկի որոշումը մերժվել է. Հայկ Ալումյան

«Դատարանը որոշեց մերժել ինքնաբացարկի որոշումը: Պատճառաբանեց, որ դատավորի կապերը Արամ Օրբելյանի հետ այնքան չեն, որպեսզի դա ազդի անաչառության վրա»,- ասել է Ռոբերտ Քոչարյանի փաստաբան Հայկ Ալումյանը: Ալումյանը նշեց, որ իրենք իրենց կողմից արել են համապատասխան միջնորդությունը, որպեսզի, եթե հետո դատարանը կայացնի որոշում՝ հօգուտ Ռոբերտ Քոչարյանի, ապա դատախազները հիմք չեն ունենա շահարկել փաստաբան Օրբելյանի ու դատավորի բարեկամական հարաբերությունները: Հիշեցնենք, որ ՀՀ երկրորդ նախագահ, երկրի սահմանադրական կարգը խախտելու համար մեղադրվող Ռոբերտ Քոչարյանի գործով երկրորդ դատավորը ինքնաբացարկ էր հայտարարել՝ պատճառաբանելով, որ Քոչարյանի փաստաբան Արամ Օրբելյանի հետ մտերիմ ընկերական հարաբերություններ ունեն և այդ փաստը հնարավոր է հետագայում դիտարկվի դատավորի անաչառության վրա ազդեցություն: