Ո՞ւմ հետ էր հեռախոսով խորհրդակցում Փաշինյանը Ալիևի հետ հանդիպումից առաջ․ «Փաստ»
«Փաստ» թերթը գրում է. « Շաբաթվա ինտրիգն ու անսպասելի միջադեպը Փաշինյան–Ալիեւ արդեն երրորդ «ոչ պաշտոնական» հանդիպումն էր, որը տևեց 1,5 ժամ:
Չնայած «այդպես ստացվեց» ոճով նշվում է, որ հանդիպումը պատահական էր, մեր տեղեկություններով՝ Ալիև-Փաշինյան հանդիպումը ի սկզբանե պլանավորած է եղել, ու երկու ղեկավարները նախապես տեղյակ են եղել: Ավելին՝ հավաստի աղբյուրների համաձայն՝ հանդիպման մանրամասները քննարկվել են ԱԳ նախարարների մակարդակով 4-ժամյա հանդիպման շրջանակներում: Ի դեպ՝ Ալիևի հետ հանդիպումից րոպեներ առաջ, երբ Փաշինյանը մտնում էր սենյակ, հեռախոսով ոգևորված խոսում էր և ժպտում. ըստ «օդում կախված լուրերի», նա հեռախոսով խոսում էր Լևոն Տեր-Պետրոսյանի հետ և խորհուրդներ հարցնում նրանից»:
