Ով է տնօրինում «Գոլդեն փելես» հյուրանոցը. պարզաբանում

Առայժմ «Գոլդեն փելես» հյուրանոցը տնօրինում է Արմեն Ավետիսյանը, կառավարության որոշում դեռ չկա գույքը պետությանը հանձնելու և ընդունելու մասին, կառավարության այսօրվա նիստից հետո լրագրողների հետ ճեպազրույցում ասել է Պետական գույքի կառավարման կոմիտեի նախագահ Նարեկ Բաբայանը: «Այն տեղեկությունները, թե հյուրանոցը ղեկավարում է Սասուն Միքայելյանի որդին, իրականությանը չեն համապատասխանում։ Առայժմ քնարկվում են ընթացակարգերը, որովհետև բավական մեծ ծավալի գույք է: Նախ՝ պետք է գույքագրվի, գնահատվի: Որոշակի հարցեր կան օրենսդրական, «Գոլդեն Փելեսը» ՍՊԸ է, և ՍՊԸ-ն իր կապիտալի մի մասն է միայն նվիրում, և որոշակի հարցեր կան, որ ՍՊԸ-ն կարող է հետագայում հետ վերցնել իր բաժինը: Պետք է գտնել օրենսդրական մեխանիզմները, որպեսզի հետագայում խնդիրներ չծագեն»,- ասել է պաշտոնյան: