Հայաստանի դիահերձարաններից մեկում. առնետները հոշոտել են հանգուցյալի դեմքը

Դեպքը տեղի է ունեցել Գեղարքունիքի մարզի Վազաշեն գյուղում: Հանգուցյալ Անիկ Խաչատրյանի հարազատները Ֆոտոլրագրող Գագիկ Շամշյանի հետ զրույցում պատմել են, որ հանգուցյալին տարել են դիահերձարան, անընդհատ գնում էին, այնտեղ էլ ասում էին, թե պետք է 8-ից 12 ժամ մնա, այդքան ժամ անցնելուց հետո էլ ասում էին մի քիչ սպասեք, մի քիչ սպասեք: Հետո ավելի ուշ գնացել են, տեսնեն, ամբողջ դեմքը կռիսները կրծել են: Ազգականները պատմել են. ՙԱսում ենք՝ այս ի՞նչ է, ասում է, բա մենք ամեն ինչ կշտկենք, մի անհանգստացեք: Մենք մենակ, մեր հարազատի համար չենք ասում, այլ՝ առհասարակ: Այդ դիահերձարանում իսկական խառնաշփոթ է, անտեր վիճակ, ասես շունը տիրոջը չի ճանաչում, ամեն ինչ բարձիթողի վիճակում է, ով է պատասխանատու, չգիտենք: Առողջապահության նախարարություն ենք զանգել, ասում ենք. կռիսները սենց են արել, ասում են՝ իրանք կշտկեն, ուզում ենք նորմալ դիահերձարան, նորմալ աշխատողներ՚: Անիկ Խաչատրյանի հարազատները ասել են, որ իրենք կսպասեն, տեսնեն, թե առողջապահության նախարարի պաշտոնակատար Արսեն Թորոսյանը ինչպես կարձագանքի, ինչ քայլեր կձեռնարկի՝ նման խայտառակ իրավիճակները իսպառ վերացնելու համար: 84-ամյա Անիկ Խաչատրյանին հողին են հանձնել երեկ: