Իսպանիայում օրինախախտ հայերի խումբ է վնասազերծվել
Իսպանիայում վնասազերծել են հայերի խմբավորում, որը զբաղված էր թենիսի պայմանավորված խաղեր կազմակերպելով: Լուրը հայտնում է Ria.ru-ն՝ հավելելով, որ վնասազերծման արդյունքում ձերբակալվել է 15 մարդ։
Խմբավորման անդամները նախապես կապ են հաստատելիս եղել ITF Futures և Challenger կատեգորիաներում խաղացող թենիսիստների հետ ու պայմանավորվել հանդիպման արդյունքի շուրջ։
Նախնական տվյալներով խմբավորումը գործել է 2017 թ. փետրվարից։ Այս ամիսների ընթացքում խմբավորման եկամուտը հասել է մի քանի միլիոն եվրոյի։
Ձերբակալվածներին մեղադրանք է առաջադրվել հանցավոր խմբավորման անդամակցելու, փողերի լվացման, խարդախության, ապօրինի հրազեն ունենալու ու անձնական միջոցների ապօրինի յուրացման համար։
