Ռուսաստանցի զբոսաշրջիկներն Ամանորին նախընտրել են Հայաստանը
Ամանորյա արձակուրդներին ճանապարհորդած ռուսաստանցիների մեծամասնությունը նախընտրել է տոներն անցկացնել Մոսկվայում․ իսկ արտասահմանյան ուղղություններից ամենապահանջվածը, պարզվում է, եղել է Հայաստանը։ Այս մասին հաղորդում է OZON.travel-ը։
Օնլայն ծառայության տվյալներով՝ տոնական օրերին Հայաստան այցելությունների շուրջ հետաքրքրությունն աճել է 68 տոկոսով, միևնույն ժամանակ ավիատոմսերի արժեքը նվազել է 5 տոկոսով։ Նշվում է, որ Վրաստանի դիրքերը նույնպես զգալիորեն ամրացել են։ Ճանապարհորդների հետաքրքրությունը այս երկրի քաղաքների նկատմամբ աճել է 42 տոկոսով։
Ռուսաստանցիներն այս տարի ավելի քիչ են ընտրել Թաիլանդը, Իտալիան և Թուրքիան։ Այս երկրների նկատմամբ պահանջարկը նվազել է համապատասխանաբար 31, 38 և 5 տոկոսով։
