Ամանորի գիշերը Կարագանդայում կատարված սպանության գործով միջազգային հետախուզման մեջ գտնվող հայազգի կասկածյալ Նարեկ Գուրուրյանը փախել է Ռուսաստանի Դաշնություն։ Այս մասին հաղորդում է ղազախական nur.kz-ն՝ երկրի ներքին գործերի նախարարությանը հղումով: Նշվում է, որ կասկածյալը ռուս-ղազախական սահմանը հատել է Պավլոդարի նահանգում: Սահմանի հատումը տեղի է ունեցել հունվարի 1-ին՝ երեկոյան 22:00-ից հետո: Ի դեպ, արդեն հայտնել էինք, որ հետախուզման գործի շրջանակում Ռուսաստան և Հայաստան են ուղարկվել օպերատիվ-քննչական խմբեր: