Հունվարի 7-ին վրաերթ է տեղի ունեցել Արագածոտնի մարզում: Ժամը 11:40-ի սահմանում Լոռու մարզի Մեծավան գյուղի բնակիչ, 36-ամյա Արման Հազոյանը Երևան-Գյումրի ավտոճանապարհի 23 կմ հատվածում, Աշտարակի վարչական տարածքում, իր վարած Opel մակնիշի 35 LQ 713 համարանիշի ավտոմեքենայով վրաերթի է ենթարկել հետիոտն, Լոռու մարզի Մեդովկա գյուղի բնակիչ, 34-ամյա Մերինե Ավետիսյանին: Այս մասին հայտնում է shamshyan.com-ը։ Վարորդը փախուստի չի դիմել, օգնել է վրաերթի ենթարկվածին տեղափոխել «Աշտարակ» բժշկական կենտրոն: Ըստ աղբյուրի՝ վրաերթի ենթարկվածը նոր էր ազատվել կալանքից, նրա նկատմամբ համաներում էր կիրառվել: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: