Ավտովթար Արարատի մարզում. վթարված մեքենաներից մեկը մխրճվել է ավտովերանորոգման սրահի մեջ

Այսօր՝ հունվարի 8-ին, խոշոր ավտովթար է տեղի ունեցել Արարատի մարզում: Ժամը 16:30-ի սահմաններում Դեղձուտ գյուղի վարչական տարածքում բախվել են Արարատի մարզի Արևշատ գյուղի բնակիչ, 28-ամյա Հովհաննես Մովսիսյանի վարած Toyota Camry մակնիշի 77 MQ 707 համարանիշի և Արարատի մարզի Մրգանուշ գյուղի բնակիչ, 37-ամյա Արկադի Թամալյանի վարած Audi մակնիշի 15 ՏԼ 095 համարանիշի ավտոմեքենաները, գրում է shamshyan.com-ը: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի մարմնական վնասվածքներով տեղափոխվել է Արտաշատի բժշկական կենտրոն: Ոստիկանությունը պարզում է վիրավորի ինքնությունը: Ֆոտոլրագրողը հայտնում է նաև, որ բախման հետևանքով Toyota Camry-ն դուրս է եկել ճանապարհի երթևեկելի գոտուց և մխրճվել ճանապարհին գործող ավտովերանորոգման սրահի մեջ՝ վնասելով ավտոսրահում գտնվող գույքը: