Գյումրու Վ.Աճեմյանի անվան դրամատիկական թատրոնի մոտ երեկ` հունվարի 7-ին, տղամարդու դիակ են հայտնաբերել։ Այս մասին հայտնում է «Փաստինֆոն»։ Բժիշկները մեկնել են կանչով և արձանագրել, որ թատրոնի դիմաց նստարանին անշարժ գտնվող տղամարդը մահացել է։ Ոստիկանությանը հաջողվել է պարզել, որ մահացածը Գյումրու բնակիչ է՝ 40-ամյա Գնել Նոսրոյանը։ Մահվան պատճառը պարզելու համար նշանակվել է դատաբժշկական փորձաքննություն։