ՀՀ արտակարգ իրավիճակների նախարարությունից տեղեկացնում են, որ այսօրժամը 12:15-ին «911» ծառայությանն ահազանգ է ստացվել, որ Երևան-Աշտարակ ավտոճանապարհին տեղի է ունեցել ՃՏՊ՝ «Opel» մակնիշի ավտոմեքենան բախվել է «ԳԱԶել» մակնիշի միկրոավտոբուսին. կան տուժածներ: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Radio Aurora-ի հետևորդները ևս հաղորդում են ցավալի լուրի մասին՝ նշելով, որ վթարը տեղի է ունեցել Երևան-Աշտարակ ավտոճանապարհի Պռոշյան համայնքի հատվածում։ Իրար են բախվել «114» համարի երթուղային տրանսպորտն ու «Opel» մակնիշի ավտոմեքենան։ Radio Aurora-ն ԱԻՆ-ից տեղեկացավ, որ վթարի հետևանքով զոհվել է «Opel»-ի վարորդը, մեքենայի 2 ուղևորն էլ ծանր վիճակում տեղափոխվել են «Արմենիա» ԲԿ։