Հացի եւ աղի արտադրության ծավալները նվազել են

Հայաստանում հացի և ալյուրի արտադրության ծավալներն այս տարվա 11 ամիսներին նվազել են: Ինչպես տեղեկացնում է ՀՀ վիճակագրական կոմիտեն, ալյուրի արտադրության ծավալները նվազել են 20.6 տոկոսով, իսկ հացինը՝ 2.4 տոկոսով: Նվազել է նաև աղի արտադրությունը՝ 28.9 տոկոսով: Շաքարավազի արտադրության ծավալը նույն ժամանակահատվածում աճել է 19.2 տոկոսով: 11.3 տոկոսով աճել է սիգարետների, 24.3 տոկոսով՝ պահածոների, 20.8 տոկոսով՝ մսամթերքի արտադրությունը: Բայց միաժամանակ տավարի, խոզի ու ոչխարի մսի արտադրության ծավալները նվազել են: Կոնյակի արտադրության ծավալները վերոնշյալ ժամանակահատվածում աճել են 0.2, գարեջրինը՝ 14.2 տոկոսով, իսկ գինու արտադրության ծավալները նվազել են 3.4, օղունը՝ 38.5 տոկոսով: