Քաղաքական ճնշումներ չեն եղել․ Մարկ Գրիգորյանը՝ իր հրաժարականի մասին
Ինձ վրա չի եղել որևէ ճնշում քաղաքական ոչ մի ուժի կողմից, տնօրենի պաշտոնից հրաժարական ներկայացնելու պատճառները լրիվ այլ հարթության մեջ են: Այս մասին այսօր Մամուլի ազգային ակումբում հրավիրված հանդիպմանը հայտարարեց Հանրային ռադիոյի գործադիր տնօրեն Մարկ Գրիգորյանը՝ հակիրճ անդրադառնալով իր հրաժարականին:
Մարկ Գրիգորյանը նշեց, որ թեև եկել է նախապես պայմանավորված հանդիպմանը, բայց հրաժարվում է պարզաբանումներ ներկայացնելուց: «Խնդրում եմ, դուք էլ հասկանաք, որ իմ վիճակը և իմ շուրջը եղած վիճակն այնքան էմոցիոնալ է, որ ուղղակի ճիշտ կլինի այսօր ձեզանից ներողություն խնդրեմ և չխոսեմ»,-ասաց Գրիգորյանը և խոստացավ, որ երբ էմոցիոնալ ֆոնը կնվազի, ինքը կհանդիպի և կխոսի:
Հիշեցնենք, որ երեկ տեղեկություն տարածվեց, որ Հանրային ռադիոյի գործադիր տնօրեն Մարկ Գրիգորյանն իր դիմումի համաձայն ազատվել է զբաղեցրած պաշտոնից: Ավելի վաղ տեղեկություն էր տարածվել, որ աշխատակիցները պատրաստվում են բողոքի ակցիա իրականացնել նրա հրաժարականի պահանջով:
