Փաշինյանը կայցելի Մոսկվա․ Վլադիմիր Պուտին
Հայաստանը ՌԴ ամենամտերիմ գործընկերն է Հարավային Կովկասում: Այս մասին ամենամյա մամուլի ասուլիսի ժամանակ հայտարարեց ՌԴ նախագահ Վլադիմիր Պուտինը՝ պատասխանելով լրագրողի հարցին, թե «ինչպես է Ռուսաստանը պատրաստվում վերականգնել իր հարաբերությունները Հայաստանի հետ խորհրդարանական ընտրություններից հետո»:
«Մենք չունենք որևէ բան, ինչ քանդվել է և կարիք ունի վերականգնման: Հայաստանը մեր ռազմավարական գործընկերն է տարածաշրջանում և աշխարհում, ՀԱՊԿ և ԵԱՏՄ անդամ է: Մենք պետք է զարգացնենք այն, ինչ ունենք»,- հայտարարեց Պուտինը:
ՌԴ նախագահը նաև հայտարարել է, որ Հայաստանի վարչապետի պաշտոնակատար Նիկոլ Փաշինյանն առաջիկա շաբաթ այցելելու է Ռուսաստան։
Այդուհանդերձ, նա չի հստակեցրել, թե ինչ ժամկետների մասին է խոսքը:
