ԹԱՐՄԱՑՎԱԾ. Բողոքի ակցի, հրմշտոց՝ Մայր աթոռի մոտ․ հավաքվածները պահանջում են Կաթողիկոսի հրաժարականը
ՙՆոր Հայաստան, նոր հայրապետ՚ նախաձեռնության Էջմիածնում տեղի ունեցած բողոքի ակցիայի ժամանակ 2 անձ բերման է ենթարկվել Ոստիկանություն։ Այս մասին NEWS.am-ի թղթակցին հայտնել են ոստիկանությունից։
ՙՆոր Հայաստան, նոր հայրապետ՚ ակցիայի մասնակիցներն այս պահին բողոքի ակցիա են անցկացնում Ոստիկանության շենքի մոտ՝ ոստիկանությունից պահանջելով գնահատական տալ իրենց նկատամամբ կատարվածին։
***
Էջմիածնում «Նոր Հայաստան, նոր հայրապետ» նախաձեռնության անդամները շարունակում են իրենց ակցիաները: Նրանք պահանջում են Ամենայն Հայոց կաթողիկոս Գարեգին 2-րդի հրաժարականը: Ի տարբերություն նախորդ ցույցերի այս անգամ իրադրությունը բավական լարված է, որովհետև թե ցուցարարների, թե ոստինանների նյարդերը տեղի են տալիս: Ակցիայի մասնակիցների միջև հրմշտոց է տեղի ունեցել, ցուցարարների մեքենաների վրա ձվեր են շպրտել: Այնուհետև բողոքի ակցիայի մասնակիցները մեքենաներով հեռացել են: Ոստիկանները պատ են կազմել հորդորելով ձեռնպահ մնալ բախումներից:
Նշենք, որ այսօր ակցիան սկսվել է Երևանում, սակայն հետագայում ավտոերթով մեկնել են Էջմիածին: Ակցիայի մասնակիցները փորձել են իրենց բողոքի ձայնը հայտնել հենց Մայր Աթոռի մոտ, սակայն Մայր աթոռի մոտ հավաքված մարդկանց հետ հրմշտոց է սկսվել մուտքին մոտենալիս:
